TXONTXONGILOAK ESKOLAN

Gaur goizean txontxongilo saioa ikusteko aukera izan dugu eskolan. Antzezlana "ETXEAN GOXO" izan da. Arratoi bat etxe baten bila ibili da eta azkenean Kasimiroren etxera joan da bizi izaten. Bidean Alai txakurra,  Bianka Isabela Katua eta  Sir Arthur lehoiarekin topo egin du.Zirkua ere agertu da istorioan eta Denisak magia egin du. Oso diubertigarria izan da.
Hiruhilabete honetan lan bikaina egin dugula ospatzeko hamaiketako berezia egin dugu.

KORRIKA TXIKI

Martxoaren 24an eskolako 3., 4. eta 5. mailako ikasleak Gernikara joan ginen KORRIKA TXIKIan parte hartzeko asmoz. Lekukoa Gurutz Gorritik Metropol tabernaraino eraman genuen. Eguraldia euritsua eta hotza izan genuen. Eskolan ere KORRIKA ospatu genuen.

BERTSOLARITZEN XVIII. MENDATA

Martxoaren 22an, domekan, elkartu ginen Mendatan. Bertso idatzien XVIII. lehiaketan 4., 5. eta 6. mailako ikasleok  gogoz parte hartu genuen. Ikasle asko batu ginen; Bermeo , Munitibar, Busturi, Gernika eta Muxikako bertsolariak joan ginen. Oso ondo pasatu genuen denok.

AKTIBATU+ENERGIA

Energia aurreztea denon esku dago. ANIMA ZAITEZTE!!!!

AKTIBATU+ ENERGIA

 ENERGIA-KONTSUMOARI "OFF" ESAN.
Dakizuenez, ikasturteko lehenengo hiruhilabetean 3. zikloko ikasleok energiaren gainean (argindarra eta gasa) ditugun ohiturak aztertu genituen. Batzutan ikasgeletako argiak piztuta uzten ditugula izan zen lanaren emaitzarik deigarriena. Hilabete honetan, kontsumoa murrizteko kanpaina antolatu dugu. Hormairudia margoztu dugu, etxeetara bidaltzeko informazioa prestatu dugu, giltzariak eta apaingarriak egin ditugu eta abestiak asmatu ditugu. Hona hemen eredu bat.